أهلًا وسهلًا بكل اللي انضموا أو هيشاركوا معانا 🌱
المشروع ده بدأ من فترة طويلة، وكان مشروع تقيل جدًا لكنه توقّف لأسباب إدارية،
وبدل ما يفضل حبيس التصميم، كان القرار إننا نطلّعه للنور بالشكل اللي يليق بجلال كلام الله وقدسية المصحف الشريف.
📖 مشروع تطبيق وموقع للمصحف الشريف
المشروع بيشمل:
Mobile App
Website
Desktop Application
العمل اللي اتعمل فيه لحد دلوقتي قطع شوط كبير، لكن الأهم إننا نكمّل عليه بنية صافية وبأفضل جهد ممكن.
📌 تنويه مهم جدًا
المشروع ده:
معمول لوجه الله فقط
لا نرجو منه مقابل مادي
ولا دعاية، ولا اسم راعي، ولا توجيه لجهة بعينها
هدفنا الوحيد:
إخراج تطبيق نافع
يليق بكلام الله
ويكون صدقة جارية في ميزان حسنات كل اللي يشارك فيه إن شاء الله
لو ربنا قدّر ووصلنا بجهة تدعمه أو تتبنّاه، فده خير وبركة، لكن ده مش الهدف الأساسي، وإنما وسيلة لخدمة المشروع وخروجه بأفضل صورة.
🛠 وضع المشروع الحالي
التصميم لسه مخلصش
في أفكار كتير جدًا وفيتشرز محتاجة شغل وتطوير
هنظّم ميتينج قريب نتكلم فيه عن الرؤية، التقسيم، والخطوات الجاية
هشارككم كل المصادر، الأفكار، والمراجع اللي اشتغلت عليها على مدار شهور
المشروع ده محتاج:
صبر
أمانة
التزام
واجتهاد حقيقي
ونسأل الله الإخلاص أولًا، ثم التوفيق،
وإن يجعل العمل ده خالصًا لوجهه الكريم، وينفع به الناس في كل مكان.
شرف كبير لينا وجودكم معانا 🤍
تنويه مهم بخصوص المصادر والمراجع 📚
حابب أوضح نقطة مهمة لكل اللي هيشتغلوا معانا على المشروع.
خلال فترة شغلي على تطبيق المصحف، جمعت عدد كبير جدًا من المراجع واللينكات، منها:
تطبيقات قرآن مختلفة من كل أنحاء العالم
مواقع ويب للقرآن باختلاف الإصدارات والأفكار
مشاريع Open Source فيها كود جاهز ومفيد نقدر نستفيد منه أو نبني عليه
خطوط، مصادر نصية، APIs، ومواقع مساعدة
حلول وتجارب حاولت تعالج مشاكل موجودة فعلًا في تطبيقات القرآن الحالية
الهدف من تجميع كل ده كان إننا:
نشوف المشاكل المتكررة
ونعرف إيه اللي ناقص فعلًا
🎯 هدفنا الأساسي
إننا نطلع Application
مناسب لكل الأعمار
يخدم كل الفئات
يدعم لغات مختلفة
ويحل أكبر قدر ممكن من المشاكل اللي موجودة حاليًا
ويكون فيه:
فيتشرز تناسب أي مسلم مهما كان اختلافه
تجربة استخدام بسيطة، محترمة، وتليق بكلام الله
حبيت أوضح المعلومة دي بس عشان تبقى الصورة كاملة من البداية،
وكل المصادر دي هتكون متاحة للفريق وهنرجعلها سوا خطوة خطوة إن شاء الله.
تنظيم المشروع والخطوة الجاية 🚀
الموضوع بدأ يكبر أكتر من شخص واحد،
وفيه ناس كتير حابة تشارك، وده شيء مفرح جدًا،
لكن علشان نكمّل صح لازم ننظّم نفسنا من بدري.
🔓 المشروع هيكون Open Source
الجروب هيكون Public
اللينك هيتنشر في أكتر من مكان
أي حد حابب يشارك بنية صافية هيكون مرحّب بيه
مش بس الكود:
التصميم نفسه هيكون Open Source
الأفكار، الاقتراحات، الإضافات، والتعديلات كلها مفتوحة للنقاش والتطوير
الهدف إن المشروع يكبر ويطلع بأفضل شكل ممكن، مش شكل شخص واحد
📋 محتاجين نعمل إيه دلوقتي؟
تنظيم الفريق
تقسيم الأدوار
وجود حد أو أكتر يساعد في إدارة وتنظيم الأمور
تحديد طريقة واضحة للشغل والتواصل
كل ده هنتكلم فيه بهدوء وهنظّم ميتينج قريب إن شاء الله،
نظبط فيه الرؤية، الخطوات الجاية، وكل واحد هيقدر يضيف إيه.
المشروع ده:
لوجه الله
ومحتاج إخلاص قبل أي حاجة
ونفس طويل وشغل حقيقي
نسأل الله التوفيق،
وإن يجعل العمل ده خالصًا لوجهه الكريم وينفع به الناس في كل مكان 🤍
