في الموضوع اللي فات
https://community.itqan.dev/d/697
حكيت لكم عن ترسيخ، وليه بدأت أبنيه، وإزاي هدفي مش مجرد تطبيق جديد لحفظ القرآن، لكن منظومة تساعد الحافظ على الاستمرارية والإتقان.
النهارده حابب أشارككم واحدة من الـ Features الجديده في ترسيخ:
🧠 تحدي المتشابهات — Mutashabihat Challenge
واحدة من أصعب المراحل في حفظ القرآن مش إنك تحفظ الآية لأول مرة...
لكن إنك تقدر تفرّق بينها وبين الآيات المتشابهة معها في مواضع أخرى.
أحيانًا تكون حافظ الآية كويس جدًا، لكن لما تقابل موضعًا مشابهًا تبدأ الأسئلة:
"دي كانت في البقرة ولا الأعراف؟"
"هنا الكلمة دي كانت كذا ولا كذا؟"
"إيه اللي جه بعد الآية دي؟"
ومن هنا جات فكرة تحدي المتشابهات في ترسيخ.
بدل ما أقول لك فقط:
🎯 "أكمل الآية"
ترسيخ هيبدأ يسألك:
📖 يعرض لك موضعًا من الآية...
ثم:
في أي سورة ورد هذا الموضع؟
وتختار من مجموعة إجابات.
لكن الجزء الأهم بيبدأ بعد إجابتك 👇
سواء إجابتك كانت صحيحة أو خاطئة، ترسيخ يعرض لك جميع المواضع المتشابهة المرتبطة بهذا السؤال:
📍 سورة البقرة — الآية X
📍 سورة الأعراف — الآية Y
📍 سورة ... — الآية Z
بحيث تتحول الإجابة من مجرد:
❌ صح / غلط
إلى فرصة للمراجعة والمقارنة وتثبيت الموضع في الذاكرة.
الفكرة بالنسبة لي إن الـ Gamification في ترسيخ مش هدفه إننا "نلعب بالقرآن".
الهدف إننا نستخدم التحدي والتحفيز بطريقة تخدم عملية الحفظ والمراجعة.
والأجمل إن الـ Feature دي مبنية على قاعدة بيانات خاصة بالمتشابهات، مرتبطة مباشرة ببيانات الآيات الموجودة داخل ترسيخ، بحيث نقدر مع الوقت نطوّر أنواع أخرى من التحديات مثل:
🔎 اكتشف الفرق بين الآيتين
🧩 أي موضع يأتي هنا؟
📝 أكمل الآية المتشابهة
🎯 اختر الموضع الصحيح
وغيرها...
وده جزء من الفكرة الأكبر لترسيخ:
مش بس تساعدك تحفظ القرآن...
لكن تساعدك تعرف إيه اللي محتاج تراجعه، وإمتى، وإزاي تثبته.
الحمد لله، ترسيخ ما زال في مرحلة التطوير، وكل Feature جديدة بتقربني خطوة من الرؤية اللي بدأت بسببها المشروع.
✨ ترسيخ.. ليكون حفظك راسخاً
لو مهتم بتقاطع Quran × Technology × EdTech × AI، يسعدني جدًا أسمع رأيك أو اقتراحك.
🌐 تجربة ترسيخ:
https://tarsekh.app/ar
