السلام عليكم ورحمة الله وبركاته
من حوالي 9 أيام شاركت معاكم مشروع أجر لا ينقطع، ووقتها كان المشروع مغلق المصدر.
ومن أكتر الاقتراحات اللي وصلتني وقتها إن المشروع يبقى مفتوح المصدر، بحيث يقدر المطورون يشاركوا في تطويره وتسريع العمل عليه.
فحابب أرجعلكم النهارده وأقولكم إن الاقتراح اتنفذ.
مشروع أجر لا ينقطع أصبح Open Source، والمشروع أصبح متاح بالكامل على GitHub.
رابط المشروع:
https://github.com/FekyBaz/ajr_layanqate3
الفكرة إن أي Developer يقدر يشارك في تطوير المشروع، سواء من خلال البرمجة، إصلاح الأخطاء، تحسين واجهة المستخدم، إضافة مميزات جديدة، الاختبارات، التوثيق، أو حتى اقتراح أفكار وتطويرات.
والجميل إن جزء من الأفكار اللي اتطرحت في المنشور السابق كانت سببًا في التفكير في اتجاهات جديدة لتطوير المشروع، مثل إضافة مصادر ودرجات الأحاديث ومراجع الآيات، وتوسيع فكرة المشاركة في الصدقة الجارية، وتطوير أدوات تساعد المستخدم على بناء أثر مستمر، بالإضافة إلى أفكار أخرى تخص المحتوى وتجربة المستخدم.
مش بالضرورة كل الأفكار دي تتنفذ بنفس الشكل، لكن دلوقتي المشروع مفتوح، وبالتالي نقدر نفكر ونناقش ونبني مع بعض.
لو أنت Developer ومهتم بالمشروع، يسعدني جدًا إنك تدخل على GitHub وتشوف المشروع، وتقرأ الـ README والـ Contributing Guide، وتشوف الـ Issues الموجودة.
ممكن تكون مساهمتك أول Pull Request ليك، أو Bug Fix، أو Feature جديدة، أو حتى مجرد فكرة جيدة تفتح Issue.
وفي النهاية، الهدف إننا نبني المشروع مع بعض، ويكون فيه نفع حقيقي للناس، ويكون لكل شخص ساهم فيه نصيب من الأجر بإذن الله.
وشكرًا لكل شخص اقترح عليا في المنشور السابق إني أخليه مفتوح المصدر.
أنتم كنتم سببًا في الخطوة دي.
