28 ديسمبر 2025، فكرت: ليه ما استغلش الأتمتة في إني أخد منها حسنات، عن طريق إنها تنشر بوستات معينة بشكل متكرر على صفحة في فيسبوك؟ البوستات كانت ثابتة من حيث المحتوى، وبتتنشر بشكل مجدول على مدار اليوم وكل يوم.
بعد كده فكرت وقلت: ليه أكون أنا الشخص الوحيد اللي بيستفيد من الثواب ده؟
ليه ما أخليش الناس تقدر تشارك هي كمان، وتعمل محتوى يتم إعادة نشره بشكل متكرر بمجرد إنها كتبته مرة واحدة فقط؟
فالشخص يكتب نص مرة واحدة، ويفضل النص ده ينتشر بشكل متكرر، ومش على صفحة الفيسبوك بس، لا، وعلى صفحة إنستجرام كمان. فتكتب نص مرة واحدة وتنساه، ويفضل يتنشر، والناس تقرأه وتشوفه وتتفاعل معاه، وممكن حد يشاركه، فدايرة أكبر من الناس تشوفه، وهكذا.
فقررت أعمل موقع أجر لا ينقطع.
بدأت بصفحة واحدة فيه فورم بسيط يقدر الناس يشاركوا فيها ذكرًا أو دعاءً أو آية أو حديثًا، مع وجود مراجعة قبل النشر.
وحتى البنية الأولى كانت Landing Page + Backend + Supabase + Admin Panel.
بعد كده حصل الانتقال من Express إلى Serverless على Netlify.
20 فبراير: بدأنا بناء الهوية البصرية الإسلامية للموقع.
لحد كده، المحتوى بيتنشر على الصفحات فقط من خلال أتمتة n8n وربطها مع فيسبوك وإنستجرام، فكبرت الفكرة أكتر، وهنا ظهرت Community.
22 فبراير: بناء صفحة المجتمع، المساهمات، المشاركة، الإحصائيات، أهداف التفاعل.
بقى الناس مش بس تبعت محتوى؛ بقى فيه عرض للمساهمات، مشاركة، أهداف يومية، و"ذكر اليوم".
كبرت الموقع أكتر، وفي 23 فبراير: أضفت صفحة الأذكار والمسبحة الإلكترونية وتحسين تجربة استخدامها.
خلال الفترة دي، المحتوى كان بيتم نشره لمرة واحدة فقط ومش بيتكرر تاني.
ففكرت في عمل Fair Rotation System عشان المحتوى يتم نشره لأكثر من مرة، بس بعدل بين المشاركات.
وخلال 24–28 فبراير: بنيت السيستم ده.
بعد كده فكرت: ليه المتوفى ميكنش في مكان واحد يجمع أعماله اللي تفيده في قبره وتكون صدقة جارية ليه؟
ففي 28 فبراير: بدأ مفهوم "الذكرى".
وخلال شهر مارس، كنت بطور من المميزات اللي عملتها خلال الشهور اللي مضت كلها، وتطوير نظام الإرسال، والـ APIs، وصفحة الذكريات، والـ feedback.
ظهر في أبريل مشروع عمله المهندس بدر الخميسي، مشروع i-am-not-a-number.
جعل اسم الشهيد على هيئة نقاط مضيئة في صفحة سوداء. مجرد أن تمرر المؤشر على نقطة، يظهر لك اسم الشهيد رباعيًا وعمره وتاريخ ميلاده باللغتين العربية والإنجليزية، ليذكّر العالم بما فعلته إخرائيل في الإبادة الجماعية التي ارتكبتها في غزة.
ومن هنا، بنفس استخدام المصدر، جاءت صفحة شهداء غزة.
وفي 8 أبريل: إضافة صفحة شهداء غزة وتطويرها تدريجيًا بالبحث والإحصائيات والفلاتر و"شهيد اليوم" والمشاركة وعداد الفاتحة.
في شهر مايو: توسع المشروع تقنيًا بشكل كبير، من الـ Analytics والـ Security إلى نظام تصميم البطاقات وPoster Engine، مصمم البطاقات، وهي منصة لإنشاء البطاقة الإسلامية، ويمكنك تحميلها ومشاركتها في صفحة المجتمع.
يونيو: تحسين المجتمع والواجهة، وإضافة نشر المشاركات المقبولة إلى Telegram. أصبح لدينا قناة على تليجرام ليتم نشر المشاركات المقبولة فيها أيضًا.
وكانت هذه الرحلة منفردة لعدة شهور طويلة، والمشروع مغلق المصدر، لكنني قررت أن أجعله مفتوح المصدر ليشارك في تطويره العديد من المبرمجين، ويكون لهم نصيب من الثواب في تطويره، ولكي تصبح عملية تطويره أسرع وأسهل.
وفي 30 سبتمبر: اكتملت مراجعة الأمان والخصوصية والتاريخ، وتم فتح المشروع رسميًا للعامة.
