نقاش تقني ثري جدًا، شكرًا م. حسان ووم. نواف وم. طارق
الجميل في الموضوع ده إن كل طريقة ليها use case مناسب ليها، والاختيار مش "صح أو غلط" قد ما هو "إيه هدف التطبيق بالظبط؟"
من وجهة نظري كمستخدمة ومهتمة بالمجال:
Vector مناسب لو: التطبيق محتاج مرونة عالية (بحث، تفاعل، نسخ نص، accessibility features، عرض آية واحدة، تكبير لانهائي) زي تطبيقات التدبر والدراسة المعمقة.
Images مناسبة لو: الأولوية للأصالة والمطابقة الكاملة للمصحف المطبوع؛ زي تطبيقات الحفظ والتلاوة التقليدية، المستخدم عايز يشوف نفس الشكل اللي اتعود عليه.
وكالعادة بميل اكتر للحلول حسب الحاجة؛ مش حل واحد ثابت لأي case، ليه مثلا ما نفكرش في نموذج هجين يجمع الاتنين؟
يعني:
- Default view: Images للأصالة والسرعة
- عند التكبير أو البحث أو التفاعل: Vector overlay للمرونة والوضوح
- المطور يختار حسب السياق أي layer يظهر
فبتكون النتيجة إن: المستخدم العادي: يشوف المصحف الأصلي المألوف، والمستخدم المتقدم: يستفيد من مزايا Vector عند الحاجة.
وطبعا الأداء: محسّن لأن Vector مش شغال طول الوقت
بالنسبة لموضوع الروايات:
ده فعلًا تحدي كبير، يمكن محتاج عمل مبادرة مجتمعية لرقمنة المصاحف بروايات مختلفة وإتاحتها open source. لأن المجهود الفردي هنا صعب شوية، لكن لو اتوزع على عدة أشخاص مؤسسات ممكن يبقى achievable.
وكنت من فترة ببحث فعلا عن مصادر للروايات كان الامر محدود جدا جدا يمكن مصدرين او 3 بس ومش موجود فيهم كل الروايات.
واتفاجئت بوجود موقع زي موقع نون لعلوم القرآن كنز لأي حد ممكن يشتغل ويبدأ منه في العمل على رقمنة القراءات https://www.nquran.com/ar/
متحمسة أشوف QuranViewer قريب إن شاء الله.
