ملتقى اتقان الثاني وفكرة مشروع
السلام عليكم
حبيت أشارككم فكرة شغال عليها حالياً: مشروع "سَنَد".
ليا صديق قارئ للقرآن سجل ختمة قيام في رمضان وإلى الآن منزلهاش
بسبب أنها محتاجة مراجعة ووقت وذهن لمطابقة النص.
هنا بتيجي فكرة سند.
مشروع مخصص للقراء والمشايخ ودور النشر، هدفه التعامل مع عشرات الساعات من التلاوات ومقابلتها بالنص القرآني واستخراج الأخطاء من التلاوة.
مشروع زي دة التحدي بتاعه في إنك بتتعامل مع عشرات الساعات من التلاوة في وقت واحد وآلاف النصوص القرآنية في المطابقة والتفريغ.
فهتقابل Edge cases عنيفة في البروداكشن من ضغط في السيرفر وtime outs، crashes، tokens limits وغيرها من المشاكل اللي متوقع تحصل في نص المعالجة، وبسببها يعيد الـ Agent الشغل من الأول وبالتالي ولا ختمة هتخلص.
فهنا بييجي المميز في المشروع:
الـ Solid Architecture المعقدة مع Distributed Workflow Orchestrator زي Temporal، تقنية أخذت توجهاً حديثاً في سيليكون فالي وغير منتشرة في الوطن العربي.
رغم إني في نص فترة امتحانات الثانوية حالياً، إلا إني حريص أخلص المشروع ده قبل الإيفنت.
مش عارف إن كان هيكون فيه فرصة أو أماكن متاحة لعرض مشروعي يومها، لكن الحقيقة مهتم جداً بتبادل الخبرات والتعرف عليكم شخصياً.
وسعيد لو في فرصة أتواصل مع أحد القائمين على الملتقى
بالتوفيق للجميع وأشوفكم على خير إن شاء الله
